من علمك تجمع محبة وتطنيش

الطيش طير وباقي اوجاعي ./..الريش !!
والريش يهوي ..كل مارفرف الطير ..!!

والآآآه تطلع .. لاتنفست بـ(شويش)
وشلون لو انثر همومي على الغير..!!

اشتاقلك وادري تبي تقول: ( بعْد ايش )..!!
احتاجلك..واتعب من فراقك ../ اكثيير..!!

ياللي تطيش بعَقْل .... وتعقّل الطيش..!!
لا ترحل بأرضي .. وتـتركني آطير..!!

شفني.. اموت ان مر طاريك .. وآعيش
وآعيش .. ثم آموت .. والقاني بْخير ..!!

وراي بكرا ) مدرسه ( اسْهَرَك ليش !!
والى متى اوقف على شان ..) تأخـير ( ..!!

من علّمك .. تجمع محبه و .... تطنيش ..
ومن عـلّم ( الآغصان ) ..تجفى ( عصافير ) ..!!

الليل ماينـكر ... وجـود ( الخفافيش )..!!
والصبح يبقى صبح.. لو مات به ) طير ( ..!!

والعيش .. يومي ارتجي .. (لقمة العيش)
خبزة وصال .. وكُوب شوق .. وتعابير ..!!

عطني ( امل واحد ) .. يخليني .. آعيش
ولاتـخـنـقه يـدّك .. بِحبل المـعاذير ..!!

شفني .. بعد فرقاك .. آطيـح بشويش
واخاف تصدف طيحتي .. ( جية الغير )..!!

ماطحت وآنا عزمي.. اصـغر مـن الأيش !!
والحين طحت وللأسف .. عَـزمي ِ اكبير ..!!

ومن كثر مآنا ضعت ... / واعماني الطيش
إذا سألوني : ( كيفك ).. آجاوب ) بخير ( ..!!

يعطيك العافيه
كلمات في قمة الروعه

مشكور على المرور
يعطيك العافيه...

ولو هذا وآجبـــي يالغالية

يسسلموو ع ـآلقصيده الروعه ..

وكلمآتهـآ الإروع ..

تحيـآتي ..