اصــــــــــدق مع الواحد

بإختصار .. من روائع ما قرأت .. فربما شاركتوني الرأي ...

طاح العتب .. ما هيـب لحيـة مشاريـه
خل الكـلام .. و حبـل الأعـذار طـوّه !!

ما راح اقول أشلون .. او كيف .. او ليه ؟
تـرى السـؤال بـدون أجابـه مـشـوّه !!

العذر مااات .. و مـات همـه و رااعيـه
و الجرح جف .. و جف غيمـه و نـوّه !!

صاحبك ضاع الهرج مـن بيـن أشافيـه
مـا كنّـه اللـي كـان قبلـك .. مفـوّه !!

يجمع لـك مِـن الشعـر فاخـر معانيـه
و يمـوت عنـدك قبـل فيـه ايتـفـوّه !!

ليه أنصـدم ؟ و تخـون قلبـي هقاويـه
و يطيح نجمي .. و أنخـذل فـي علـوّه !!

أصدق مع الواحـد و احبـه .. و اثاريـه
طـوول الليـالـي معتبـرنـي عــدوّه !!

لا يـا بعدهـم .. و أول الغيـث تالـيـه
و أنت اتعرف قلبي .. و خيـره و سـوّه !!

يمكن لو انك قلت غلطـان .. قلـت أيـه
مير البلا انـك قلـت .. ناقـص مـرّوه !!

قل لي متى شحيـت فـي شـي ٍ أعطيـه
و قل لي متى صارت محبتـك .. خـوّه !!

يصعـب علـى الرجـال يثبـت مباديـه
و ان كانه اثبت .. كيـف يثبـت سمـوّه !!

الله يبيحـك عـن خـطـاك و تمـاديـه
و يبيـح قلبـك عـن خطـاه و غـلـوّه !!

ما دام حبك خالطـه شـك .. مـا ابيـه
حب العتب و الشك .. مـا اعيـش جـوّه !!

ما كنّـي اللـي كـل مـا تلمـس ايديـه
يغمـرك بأحسـاس و حنـان الأبــوّه !!

و ما كني اللـي كـل مـا مـر طاريـه
ضج الفضـا باسمـه .. و عكـر هـدوّه !!

يـا مرحبـا بالجـرح .. و الله يحيـيـه
لا صـار مـن يمنـاك و الجـرح تـوّه !!

بعض الجروح ان صابـت القلـب تنهيـه
و بعض الجروح .. تـزوّد القلـب قـوّه !!

الله كتب .. و القوس فـي كـف باريـه
و اللي تشوفه يا أبيـض الوجـه .. سـوّه !!:

تحيااتي